ЗША ўвядуць санкцыі супраць замежных банкаў, якія падтрымліваюць расійскую агрэсію супраць Украіны. Адміністрацыя Белага дома заяўляе, што ў адпаведнасці з указам, які сёння падпісаў прэзідэнт Джо Байдэн, Злучаныя Штаты будуць упаўнаважаныя ўводзіць так званыя другасныя санкцыі ў дачыненні да фінансавых устаноў, якія падтрымліваюць расійскую абаронную прамысловасць.
«Амаль кожны банк у свеце, калі яму будзе пастаўлены выбар паміж тым, каб працягваць прадаваць сціплыя аб'ёмы тавараў расійскаму ваенна-прамысловаму комплексу або звязвацца з амерыканскай фінансавай сістэмай, абярэ апошняе, улічваючы, што наша эканоміка значна большая, а наша валюта выкарыстоўваецца ва ўсім свеце», - сказаў журналістам адзін з чыноўнік Дзярждэпартаменту.
Злучаныя Штаты ўсё часцей выкарыстоўваюць другасныя санкцыі, нягледзячы на асцярогі некаторых палітыкаў і экспертаў, што гэта заахвоціць іншыя краіны адмовіцца ад долара. Гэта звязана з тым, што расіянам удалося змякчыць наступствы існуючых санкцый, вядучы гандаль праз трэція краіны, асабліва краіны Цэнтральнай Азіі.
ПР/юл